Automach 2007an sortutako ingeniaritza-enpresa da, eta hainbat sektoretarako neurrira egindako makinen diseinuan eta fabrikazioan espezializatuta dago: automobilgintza, aeronautika, elektrikoa/elektronikoa, trenbidea, intralogistika eta osasun-sektorea.
Automach Ingeniaritzak irtenbide integralak eskaintzen ditu hasierako ideiatik plantan martxan jarri arte. Horretarako, diseinu mekanikoa, automatizazioa, robotika, ikusmen artifiziala, makinen segurtasuna eta azken baliozkotzea lantzen ditu, bezeroari irtenbide produktibo, fidagarri, seguru eta mantentze-lan errazekoa eskaintzeko.
35 laguneko lantaldea du, eta giza taldea da haren indargune nagusietako bat, duen esperientzia tekniko eta kualifikatuagatik eta proiektuaren hasieratik eskaintzen duen laguntzagatik: doitu, hobetu edo arazoak konpondu.
Prozesu industrialei aplikatutako adimen artifiziala, ekoizpen-inguruneetako zibersegurtasuna, robotika aurreratua eta material berrietara egokitutako soluzioak dira lantzen dituzten teknologietako batzuk.
Gaur egun, Automach Ingeniaritzak bi proiektu garrantzitsutan dihardu lanean. Bata aeronautikaren sektorean, automatizazioa, robotika, kontrola, segurtasuna eta irtenbide mekaniko oso espezifikoak uztartzen dituena. Bestea automobilgintzan, industriaren etorkizunaren isla dena: robot batekin integratutako ikusmen artifizialeko aplikazio bat. Sistema gai da piezen kokapena eta orientazioa identifikatzeko eta robotaren ibilbidea zuzentzeko piezak behar bezala kokatzeko. Automach Ingeniaritzatik grafikoki azaltzen duten bezala, “ia robotari begiak jartzea bezalakoa da”.
Merkataritza arloko arduradun Oscar Gordok eta Makinen Segurtasuneko eta araudian aditu den Henar Valerak Automach Ingeniería erakutsiko digute.
🤝 Automatizazioaren eta robotikaren eskutik.
