AVS (Added Value Solutions) Arabako konpainiak, Robotekin-eko kide batek, bere proiektu garrantzitsuenetako bat argitaratu berri du: lehen satelitearen diseinua eta fabrikazioa, % 100 EAEkoa. LUR-1 izeneko gailua Arabako Parke Teknologikoko instalazioetan garatu da, eta Lurra espaziotik behatzea du eginkizun nagusia. Dena planifikatutakoaren arabera gertatzen bada, datorren urtearen erdialderako programatuta dago Kaliforniatik, SpaceX konpainiaren ‘Transporter 11’ misioaren barruan.
Satelitearen aurkezpen publikoan izan dira, besteak beste, Iñigo Urkullu lehendakaria eta Arantxa Tapia Garapen Ekonomiko, Iraunkortasun eta Ingurumen sailburua. Azken horiek AVS-ren instalazio ikusgarriak ezagutu ahal izan dituzte CEO Miguel Ángel Carrera-ren eskutik. Berri garrantzitsu horretaz gain, AVS NASA-ren ROADS misioaren esleipendun ere izan da. Misio horrek interes handia du AEBetako agentziarentzat, orbitatzeko, bizia zabaltzeko edo orbitan sateliteak mantentzeko funtsezko teknologiak erakutsiko baititu.
