OMRON Groupek eta Dassault Systèmes-ek Arabako Parke Teknologikoan bultzatutako ‘Make it Excellent’ ekitaldiaren azken berrikuntzak aztertzea, automatizazio industrialari eta biki birtualei dagokienez. Bertan, gure enpresa elkartuetako batek parte hartu zuen, Inser Robótica kasu. Ekitaldian zehar, ekoizpen malgua, eraginkorra eta arina birdefinitzen duten aplikazio berritzaileak erakutsi ziren, balio erantsi txikiko zereginen automatizazioari eta fabrikazio-prozesuen optimizazioari esker, fabrika integratuagoa, adimentsuagoa eta interaktiboagoa lortzeko.
Era berean, agerian geratu ziren biki birtualen onurak, eta erakustaldiak egin ziren ekoizpen-inguruneak simulatzeko, martxan jartzeko denborak murrizteko eta arrisku operatiboak minimizatzeko.
Horretaz guztiaz hitz egin zuen Inser Roboticak. Robotekineko bazkide izateaz gain, OMRONeko kolaboratzaile estrategikoa ere bada. Bezeroei balio erantsiko ekipoak eta soluzioak ezartzeko erabilera-kasuak ekarri zituen, eta fabrika malgu baten kudeaketa logistikoan AMRren bidez osagaiak transferitzearen emaitza bikaina erakutsi zuen.
Getting Together 💪
