1988tik Zarauzko Francisco Aristeguieta Zentro Teknologikoan dago Larraioz Taldearen egoitza, Robotekin-en aldeko apustua egitea erabaki duen azken euskal teknologiarena. Makina eta prozesuetan automatizazio adimenduneko soluzioetan espezializatua, Larraioz Elektronika duela 30 urte hasi zen zenbakizko kontroleko soluzioak eskaintzen, ondoren automatizaziorako eta, azkenik, robotikarako urratsa emateko. Arlo horretan esperientzia handia du. Besteak beste, robotak, automata programagarriak, software industriala eta, oro har, makina baten funtzionamendu egokia ahalbidetzen duten sistema guztiak eskaintzen ditu.
20 pertsonako plantilla eta enpresa-egitura ditu, hiru arlotan banatuta (Larraioz Electrónica Industrial, Automation & Research eta Basque Automation) eta Fundazio bat, Francisco Aristeguieta Urgoiti, Larraioz familiaren aholkulariaren izena daramana, Bittor Larraioz Aristeguieta egungo gerentearen eta Fundazioko lehendakariorde María Elena Larrayoz Aristeguietaren osaba.
