Robotekin, Robotika eta Automatizazioko Euskal Elkarteko hamar enpresa eta erakundek standa izango dute eta hitzaldiak emango dituzte aurtengo 33. BIEMH Makina Erremintaren Nazioarteko Biurtekoan, Bilbao Exhibition Center-ek antolatua AFM klusterrarekin lankidetzan.
Aldakin, Danobat , Dobot, Eurobots, Intermaher, Kuka, Larraioz, Schunk, Tekniker, Vector 0 Robotics-ek beren produktu eta zerbitzuak erakutsiko dituzte, Innovation Workshop-etan parte hartuko dute eta merkatuko azken nobedadeak eta teknologiak ezagutzeko eta partekatzeko aukera izango dute aste osoan zehar.
BIEMH topaketa profesional eta nazioartekoa da, 30 urte baino gehiagoko esperientzia duena, eta metalak mekanizatu eta konformatzeko makina-erremintetan, robotikan, ekoizpen-prozesuen automatizazioan, metrologian eta gainazalen tratamenduan egindako azken aurrerapenak eta teknologiak erakusten ditu. Aurtengo edizioan, 1.471 erakusketari, 3.303 produktu eta 280 nobedade egongo dira BIEMHn.
Saray Zarate Robotekin-eko presidente eta Arabako Garapen Ekonomiko eta Jasangarritasuneko diputatuak eta Leire Balzategui Robotekineko zuzendari nagusiak atzo Larraiozeko standean egin zen topaketa informalean parte hartu zuten, eta bertaratu ziren bazkideekin hitz egiteko aukera izan zuten.
“BIEMH elkargune estrategikoa da, aliantzak sortzen dira, erronkak partekatzen dira eta industria aurreratuaren etorkizuna eraikitzen da. Hori dela eta, Robotekin bertan izan da. Automatizazio, digitalizazio eta robotika industrialeko prozesuak gidatzen ari diren bazkideak bisitatu ahal izan ditugu, bazkideen artean ezagutza handiagoa sortzeko helburuarekin. Interesa izan dezaketen bezeroekin ere izan ditugu harremanak. Robotekin-etik, enpresa, zentro teknologiko eta klusterren arteko lankidetzaren aldeko apustua egiten dugu, robotika eta automatizazioko Arabako eta Euskadiko ekosistema indartzeko”, adierazi du Saray Zarate Robotekin-eko presidenteak.
Bestalde, Leire Batzategui Robotekineko zuzendari nagusiak Robotekin elkarteko hamar enpresa eta erakundek BIEMHn izan duten parte-hartzea nabarmendu du. “Bi urtez behingo topaketa honetan, teknologia, industria eta lankidetza uztartzen ditugu, gure industria-sarearen lehiakortasuna sustatzen jarraitzeko. Robotekin-etik, elkarrekin lanean jarraitzen dugu automatizazioaren eta robotikaren etorkizuna eraikitzeko”.
BIEMH, azoka bat baino gehiago
Baina BIEMH erakusketa-azoka bat baino gehiago da, sektoreko profesionalek industriaren eta manufakturaren etorkizunari buruz duten ikuspegia eskaintzeko topaketa bat. Oraingoan, bost enpresa kidek parte hartuko dute aste honetako Innovation Workshopetan, Makina eta Erremintaren Nazioarteko Biurteko BIEMH-eko 6. pabilioiko B50 stand-ean dagoen Speakers’ Corner-en.
– VECTOR 0 – zuzendari teknikoa, Jorge Casaus Mairal
- Gaia: “0 bektorea: 3D soluzio aurreratuak produktua diseinatzeko, garatzeko eta baliozkotzeko”
– EUROBOTS – CTO & Head o R&D, Alex Ye Xu.
- Mahaingurua “4.0 industria Espainian: Euskal Herriko balio-katea”, AER Automationek moderatua
–LARRAIOZ – Ainhoa Maiztegui, ESG estrategia teknologikoaren zuzendari eta analista
- Escape Room: “Misio egingarria: Pertsona-Makina 5.0 erronka”
– IDEKO ETA TEKNIKER
- Mahaingurua “Inpaktu industrialari aplikatutako I+D: robotika eta automatizazioa fabrikazio adimendun eta jasangarri baterako”, AER Automation-ek moderatua.
–KUKA – Zona Norte arduraduna, Bikendi González
- GAIA: “Joera disruptiboen eta sortzen ari diren araudien arteko aldaketaren buru”.
Gainera, KUKAk egunero bi ‘demo’ egingo ditu astelehenetik ostegunera, 12:00etan eta 16:00etan bere standean.
