Aquitaine Robotics klusterrak hiru eguneko bisita egin du berriki Euskadira, robotikaren eta automatizazioaren euskal ekosistema osatzen duten eragileak bertatik bertara ezagutzeko asmoz.
Programa EIT Manufacturing-ek koordinatu zuen, Europako industria-sektore berritzailearen komunitate garrantzitsuenetako batek, eta kluster honi Robotekinen kasua ezagutzeko aukera eman zion, Mondragon Unibertsitateko instalazioetan egindako bileran. Aquitaine Robotics-ek fabrikazio, logistika, zerbitzu eta robotika irekiarekin lotutako ehun kide baino gehiago biltzen ditu une honetan.
Mondragon Unibertsitateko instalazioetan egindako topaketa horretan, gure Zuzendaritza Batzordeko ordezkaritza batek parte hartu zuen, eta Erik Echaniz Zuzendari Nagusi berria izan zen buru, urtarrilaren 1etik aurrera, Euskadiko Robotika eta Automatizazioaren lehen ‘Hub’ aren jatorria eta azken ordua gogoratzeko.
Bi elkarteen arteko topaketatik, etorkizunari begira egon daitezkeen lankidetzak aztertzeko harremanari eusteko konpromiso irmoa sortu zen.
Lerro hauetatik, eskerrak eman nahi dizkiegu EIT Manufacturing-eko Javier González eta Jeremie Daliboti egindako gestioengatik, eta Robotekineko kide elkartuetako bat den Mondragon Unibertsitateko arduradunei harrera beroagatik.
